Türkiyədə torpaq sürüşməsi olub, ölən və yaralananlar var - VİDEO
Türkiyənin Artvin bölgəsində güclü yağışlar sürüşməyə səbəb olub.
NUHÇIXAN İnformasiya Agentliyi İHA-ya istinadən xəbər verir ki, Kamalpaşa rayonunda qaya parçaları və torpaq dağdan sürüşərək magistral yola tökülüb.
Yoldan keçən TIR-lara ciddi ziyan dəyib. Ən azı 1 nəfərin öldüyü, yaralananların olduğu bildirilir.
Sürüşmə nəticəsində Qara dəniz sahilində Türkiyə-Gürcüstan beynəlxalq magistralı (Sarp sərhəd-keçib məntəqəsinə gedən yol) ikitərəfli bağlanıb.
Bölgəyə xeyli sayda təcili yardım, xilasetmə qüvvələri cəlb olunub.
Qeyd edək ki, bundan əvvəl də bölgədə sürüşmələr baş verib.