Dubay-Brisben reysi ilə uçan təyyarənin şassi hissəsində partlayış baş verib
“Emirates” aviaşirkətinə məxsus Dubay-Brisben reysi ilə uçan təyyarənin şassi hissəsində baş vermiş partlayışdan sonra pilotlar “Airbus A-380” laynerini yerə endirə biliblər. Xoşbəxtlikdən yanğın baş verməyib.
NUHÇIXAN İnformasiya Agentliyi xəbər verir ki, havada baş vermiş partlayış nəticəsində təyyarənin aerodinamik hissəsindəki örtüyü və eksteryeri zədələnib. Brisben aeroportunun rəsmisi bildirib ki, yerə enən təyyarənin sol tərəfində böyük deşik yaranıb. “Emirates” aviaşirkətinin nümayəndəsi jurnalistlərə sərnişinlərin və təyyarə ekipajının təhlükəsiz şəraitdə layneri tərk etdiyini deyib.