ABŞ ilin sonuna qədər döyüş lazerini sınaqdan keçirməyə hazırlaşır
Amerikanın müdafiə konserni “Northrop Grumman Corp” ilin sonuna qədər gücünü tədricən artıran prototip döyüş lazerini sınaqdan keçirəcək.
Bu barədə NUHÇIXAN İnformasiya Agentliyi “Reuters”ə istinadən xəbər verir.
Qeyd edilir ki, prototipin yaradılması üzrə iş Pentaqona 72 milyon dollara başa gəlib. Lazerlərin özləri bir neçə müdafiə tətbiqinə sahib olacaqlar, xüsusən də onlar enerjini hərəkət edən hədəfə izləyə və fokuslaya biləcəklər.
Bu da onların raketdən müdafiə sistemlərində istifadəsinə imkan verəcək.
Bundan əvvəl ABŞ hərbçiləri artilleriya minasını lazerlə vurub. Əməliyyat 50 kilovatlıq “Raytheon” döyüş lazer modulunun sınaqları çərçivəsində baş tutub. Şüa 60 mm-lik bir neçə minanı məhv edib.