Vladimir Putin Təhlükəsizlik Şurasının üzvləri ilə Qarabağı müzakirə edib
Rusiya Prezidenti Vladimir Putin Qarabağda vəziyyəti Təhlükəsizlik Şurasının üzvləri ilə müzakirə edib.
NUHÇIXAN İnformasiya Agentliyi Kremlin mətbuat xidmətinə istinadla xəbər verir ki, Vladimir Putin Təhlükəsizlik Şurasının daimi üzvləri ilə videokonfrans rejimində operativ müşavirə keçirib.
Müşavirədə Qarabağda vəziyyət müzakirə edilib, Üçtərəfli Bəyanatın bütün müddəalarının yerinə yetirilməsinin zəruri olması israrla vurğulanıb.
Qarşıdakı yüksək səviyyəli Rusiya-Türkiyə danışıqları barədə də fikir mübadiləsi aparılıb, Rusiyanın sosial-iqtisadi inkişafı məsələlərinə toxunulub.