Rusiya Prezidenti türkiyəli həmkarı ilə görüşmək üçün Soçiyə gedib
Rusiya Prezidenti Vladimir Putin Türkiyə Prezidenti Rəcəb Tayyib Ərdoğanla görüşmək üçün Soçiyə gedib.
NUHÇIXAN İnformasiya Agentliyi xəbər verir ki, iki ölkə liderləri Soçidə danışıqlar aparacaqlar.
Rusiya Prezidentinin mətbuat katibi Dmitri Peskov jurnalistlərə açıqlamasında bildirib ki, Rusiya Baş nazirinin müavini, hökumətlərarası komissiyanın həmsədri Aleksandr Novak görüşün yekunları barədə məlumat verəcək.
D.Peskovun sözlərinə görə, görüş təkbətək formatda və nümayəndə heyətləri arasında keçiriləcək.