Ukrayna öz vətəndaşlarını Zaporojye AES-in yaxınlığındakı yaşayış məntəqələrini tərk etməyə çağırıb
Ukrayna vətəndaşlarını Zaporojye Atom Elektrik Stansiyasının (AES) yaxınlığında yerləşən yaşayış məntəqələrini tərk etməyə çağırıb.
NUHÇIXAN İnformasiya Agentliyi xəbər verir ki, Ukrayna Baş nazirin reinteqrasiya məsələləri üzrə müavini İrina Vereşuk teleqram səhifəsində bu bəyanatla çıxış edib.
Onun sözlərinə görə, Rusiya hər hansı humanitar dəhlizlərə məhəl qoymur, ona görə də vətəndaşlardan xahiş olunur ki, bu əraziləri özbaşına tərk etməyin yolunu tapsınlar.
“Reinteqrasiya Nazirliyi AES-ə yaxın mülki əhalinin evakuasiyası üçün humanitar dəhliz tələb edib. Lakin hələ də müsbət cavab alınmayıb”, - deyə İrina Vereşuk əlavə edib.