Türkiyə Ordusu 17 terrorçunu məhv edib
Türkiyə Ordusu Suriyanın şimalındakı sərhədyanı bölgələrdə 17 terrorçunu məhv edib.
NUHÇIXAN İnformasiya Agentliyi xəbər verir ki, bu barədə Türkiyənin Milli Müdafiə Nazirliyi məlumat yayıb.
Bildirilib ki, zərərsizləşdirilən yaraqlılar arasında sentyabrın 18-də Şanlıurfanın Suruç vilayətində hərbi nəzarət-buraxılış məntəqəsinə raket zərbəsi endirən terrorçular da var.
Xatırladaq ki, həmin terror aktı nəticəsində bir türkiyəli əsgər şəhid olub, bir əsgər isə yaralanıb.
Türkiyənin artilleriya bölmələrinin və pilotsuz uçuş aparatlarının iştirakı ilə keçirilən əməliyyat zamanı terrorçuların, təxminən, 80 hədəfi məhv edilib.