İraqın şimalında bir türk hərbçi şəhid olub
Türkiyə Silahlı Qüvvələri İraqın şimalında PKK terror təşkilatına qarşı növbəti əməliyyatda itki verib.
NUHÇIXAN İnformasiya Agentliyi xəbər verir ki, məlumatı Türkiyənin Milli Müdafiə Nazirliyi yayıb.
Bildirilib ki, Türkiyə Silahlı Qüvvələrinin hərbçisi, kiçik çavuş Muhammet Karaçam İraqın şimalında keçirilən "Pençe-Kilit” antiterror əməliyyatının keçirildiyi bölgədə şəhid olub.
Məlumatda qeyd olunub ki, daha iki hərbçi isə yaralanıb.