Türkiyə XİN başçısı sabah Fransaya gedəcək

Türkiyənin xarici işlər naziri Mövlud Çavuşoğlu sabah, oktyabrın 9-da Fransanın Strasburq şəhərinə səfər edəcək.

NUHÇIXAN İnformasiya Agentliyi xəbər verir ki, bu barədə Türkiyənin Xarici İşlər Nazirliyindən bildirilib.

Qeyd olunub ki, XİN başçısı Avropa Şurası Parlament Assambleyasının (AŞPA) iclasında iştirak edəcək.

İclasda Çavuşoğlu ilə yanaşı, AŞPA-nın digər keçmiş rəhbərləri də iştirak edəcək.

Toplantıda Avropanın gələcəyi və Avropa Şurasının perspektivləri müakirə olunacaq.