Türkiyə və Ukrayna prezidentləri arasında telefon danışığı olub

Türkiyə Prezidenti Rəcəb Tayyib Ərdoğan ilə Ukrayna Prezidenti Volodimir Zelenski arasında telefon danışığı olub.

NUHÇIXAN İnformasiya Agentliyi xəbər verir ki, bu barədə Türkiyə Prezident Administrasiyası məlumat yayıb.

Bildirilir ki, prezidentlər Rusiya-Ukrayna müharibəsinə dair son prosesləri müzakirə ediblər.

Türkiyə Prezidenti müzakirə zamanı bütün hallarda diplomatik həll variantını aktual saxlamağın vacibliyini bildirərək müharibənin müzakirələr yolu ilə sona çatması üçün lazım olan töhfələri verməyə hazır olduqlarını ifadə edib.

Bundan başqa, Türkiyə Prezidenti Bartın vilayətində daş kömür mədənində baş verən partlayışdakı insan tələfatına görə başsağlığı verdiyinə görə Prezident Zelenskiyə minnətdarlığını bildirib.