Rusiyanın 11 aeroportunda uçuşlara məhdudiyyət rejimi daha bir həftə uzadılıb
Rusiyanın cənub və mərkəzi hissəsində yerləşən aeroportlarda uçuş məhdudiyyətləri daha bir həftə uzadılıb.
NUHÇIXAN İnformasiya Agentliyi TASS agentliyinə istinadla xəbər verir ki, bu barədə Rosaviasiya məlumat yayıb. Məlumata görə, Rusiyanın cənub və mərkəzi hissəsindəki 11 aeroportda uçuşlara məhdudiyyət rejimi 2022-ci il oktyabrın 28-dək uzadılıb.
Anapa, Belqorod, Bryansk, Voronej, Gəlincik, Krasnodar, Kursk, Lipetsk, Rostov, Simferopol və Elista hava limanlarında uçuşlara müvəqqəti məhdudiyyət qoyulub.
Rusiya Ukraynada apardığı müharibə ilə əlaqədar 2022-ci il fevralın 24-dən etibarən ölkənin cənubunda və mərkəzində hava məkanının bir hissəsini mülki təyyarələr üçün bağlayıb.