Türkiyə ordusu Suriyanın şimalında beş terrorçunu zərərsizləşdirib
Türkiyə Silahlı Qüvvələri Suriyanın şimalında "Fərat qalxanı" və "Sülh bulağı" antiterror əməliyyatı bölgələrində 5 terrorçu zərərsizləşdirib.
NUHÇIXAN İnformasiya Agentliyinin məlumatına görə, bu barədə bu gün Türkiyə Milli Müdafiə Nazirliyi bildirib.
Qeyd olunub ki, türk hərbçilərə qarşı hücum hazırlığında olan PKK terrorçularının qarşısı alınıb. Endirilən zərbə nəticəsində 5 nəfər zərərsizləşdirilib.
Nazirlik bölgədə antiterror əməliyyatının davam etdiyini bildirib.