Ukrayna Baş Qərargahı: "Rusiyanın itkiləri 80 mini keçib"

Ukraynada son sutkada Rusiyanın 810 canlı qüvvəsi zərərsizləşdirilib.

NUHÇIXAN İnformasiya Agentliyi xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Bildirilib ki, Ukraynada hərbi əməliyyatlar başlayandan indiyədək Rusiya Silahlı Qüvvələrinin 80 210 hərbçisi məhv edilib.

Qeyd olunub ki, bundan əlavə, Rusiya Silahlı Qüvvələrinin indiyədək digər döyüş itkiləri 2 838 tank, 5 730 zirehli maşın, 1 506 operativ-taktiki PUA, 1 829 artilleriya sistemi, 399 reaktiv yaylım atəşi sistemi, 205 hava hücumundan müdafiə sistemi, 278 təyyarə, 261 helikopter, 4 279 avtomobil və tanker, 160 xüsusi texnikadan ibarətdir.