ABŞ Ukraynaya daha çox yardım vəd edir
ABŞ Prezidenti Co Bayden administrasiyası Ukraynaya yardım üçün maliyyənin artırılması üzərində işləyir.
NUHÇIXAN İnformasiya Agentliyi Ukrayna KİV-ə istinadla xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi bəyanatla çıxış edib.
Kirbi brifinqdə bildirib ki, ABŞ Ukraynaya daha çox kömək edəcək.
O əlavə edib ki, hazırda Konqres ilə gələcəkdə əlavə maliyyələşdirmə ilə bağlı iş aparılır.
Bu maliyyə ABŞ-ın Ukraynaya göstərəcəyi yardım üçün lazımdır.
Xatırladaq ki, ABŞ Prezidenti Co Bayden administrasiyası Konqresdən təcili yardım üçün daha 37,7 milyard dollar ayırmağı xahiş edib.