Türkiyənin Denizli bölgəsində yerləşən fabrikdə güclü yanğın baş verib
Türkiyənin Denizli bölgəsində yerləşən kimyəvi maddələrin istehsal olunduğu fabrikdə güclü yanğın baş verib.
NUHÇIXAN İnformasiya Agentliyi xəbər verir ki, yanğın bölgənin əhali sayı baxımından ən böyük rayonu olan Pamukkaledə meydana gəlib.
Hadisə yerinə çox sayda yanğınsöndürən və xilasedici briqadalar cəlb olunub.
Kosmetik vasitələrin istehsal olunduğu fabrikdə baş verən yanğının səbəbləri hələ bəlli deyil. Ərazidə partlayışlar da baş verir. Bununla bağlı qabaqlayıcı tədbirlər alınıb.
Hadisə nəticəsində çıxan qatı duman ətraf bölgələrdən də görünür.