ABŞ yeni strateji "B-21 Raider" bombardmançı təyyarəsini təqdim edib

ABŞ nüvə silahı daşıya bilən yeni nəsil "B-21 Raider" strateji bombardmançı təyyarəsini təqdim edib.

NUHÇIXAN İnformasiya Agentliyinin məlumatına görə, təqdimat mərasimi Kaliforniya ştatının Palmdeyl şəhərindəki "Northrop Grumman Corporation" korporasiyasının zavodunda baş tutub.

ABŞ Hərbi Hava Qüvvələri 34 ildən sonra ilk dəfə olaraq yeni nəsil bombardmançı təyyarəsini təqdim edib.

Yeni təyyarə "stels" kamuflyaj texnologiyası ilə təchiz edilib. "Northrop Grumman" şirkətinin sözlərinə görə, bu, dünyada ilk altıncı nəsil bombardmançıdır. O, həm adi, həm də nüvə silahlarını daşıya bilər.