Rusiyada zavodda baş verən yanğında iki nəfər ölüb
Rusiyanın Anqarsk şəhərində neft emalı zavodunda yanğın baş verib.
NUHÇIXAN İnformasiya Agentliyi xəbər verir ki, bu barədə Rusiya İstintaq Komitəsinin bölgə üzrə İstintaq İdarəsinin mətbuat xidməti məlumat yayıb.
Məlumata əsasən, 2,5 min kvadratmetr sahədə baş verən yanğın nəticəsində 2 nəfər həlak olub, 4 nəfər isə xəsarət alıb.
Hadisə yerinə məhkəmə-tibb ekspertləri gəlib.
Yanğının başvermə səbəbi barədə məlumat verilmir.