Keçmiş Roma Papası XVI Benedikt vəfat edib
Roma Katolik Kilsəsinin keçmiş rəhbəri XVI Benedikt vəfat edib.
NUHÇIXAN İnformasiya Agentliyi xəbər verir ki, bu barədə Müqəddəs Taxt-Tacın mətbuat xidməti məlumat yayıb.
Bildirilib ki, uzun müddətdir ağır xəstəlikdən əziyyət çəkən 95 yaşlı Papa Benedikt bu gün Vatikanın “Mater Ecclesiae” monastırında dünyasını dəyişib. Yanvarın 2-də səhər saatlarından etibarən Papa XVI Benediktin nəşi Vatikanın Müqəddəs Pyotr Bazilikasında olacaq.
Qeyd edək ki, Papa Benedikt altı əsrdir mövcud olan bu vəzifədən 2013-cü ildə istefa verən ilk papa kimi tarixə düşüb. O, təqaüdə çıxdıqdan sonra Vatikandakı kilsələrin birində yaşayırdı.