İlon Mask "Twitter"də mətn formatlaşdırma vasitələrini açıqlayıb

İlon Mask bazar günü sahibi olduğu "Twitter" sosial şəbəkəsinin tərtibatçılarının mətn formatlaşdırma funksiyalarını işə salmağı planlaşdırdıqlarını açıqladı.

NUHÇIXAN İnformasiya Agentliyinin məlumatına görə, bu barədə İ.Mask öz "Twitter" səhifəsində yazıb.

"Cari rübdə yarım qalın şrift, alt xətt və şrift ölçüsü kimi əsas formatlaşdırma xüsusiyyətlərini də əlavə edəcəyik", - deyə o bildirib.

O, bu variantların ilk növbədə uzun mesajlar üçün olduğunu izah etdi. İ.Mask yanvarın 7-də bildirib ki, istifadəçilər fevral ayında belə mesajlar yerləşdirə biləcəklər.