Polşa Ukraynaya “Leopard 2”dən əlavə, 60 modernləşdirilmiş tank da göndərəcək
Polşa Ukraynaya vəd etdiyi alman istehsalı olan 14 ədəd “Leopard 2” tankından əlavə, 60 tank da göndərəcək.
NUHÇIXAN İnformasiya Agentliyi xəbər verir ki, bunu Polşanın Baş naziri Kanada televiziyasına müsahibəsində bildirib.
“Hazırda biz 30-u “PT-91” olmaqla, 60 modernləşdirilmiş tankımızı da göndərməyə hazırıq”, - deyə Baş nazir Mateuş Moravetski əlavə edib.
Qeyd edək ki, “PT-91” Polşa istehsalı olan və 1990-cı illərdə istifadəyə verilmiş döyüş tankıdır.