“Taliban” qızların təhsil almalarına qarşı qadağaları sərtləşdirir
“Taliban” hökuməti Əfqanıstanda qızların ali məktəbdə təhsil almalarına qoyduğu qadağaları sərtləşdirir və onların universitetlərə qəbuluna mane olur.
NUHÇIXAN İnformasiya Agentliyi “Al-arabiya”ya istinadla xəbər verir ki, hökumətin Ali Təhsil Nazirliyi qeyd edilən mövzuda qaydaları pozan qurumların cəzalandırılacağını artıq təsdiqləyib.
Nazirlik ölkənin şimal əyalətlərində, o cümlədən Kabildə imtahanların fevralın sonuna planlaşdırıldığı haqda göstəriş verib.
“Taliban” ötən ilin dekabr ayında da universitetlərə qız tələbələrin daxil olmasına qarşı çıxmışdı.
Xatırladaq ki, qızların orta məktəblərdə oxumağı da ölkədə yasaqlanıb və məktəblərin əksəriyyəti bu səbəbdən bağlıdır.