Ermənistanda hərbi cinayətlərin sayı kəskin artıb

Ermənistanda müharibə cinayətləri ilə bağlı ittiham aktları artıb.

NUHÇIXAN İnformasiya Agentliyinin məlumatına görə, bu barədə Ermənistan İstintaq Komitəsi məlumat yayıb.

Komitənin mətbuat xidmətinin məlumatına görə, 2022-ci ildə Komitənin Baş hərbi istintaq idarəsi 6 510 işə baxıb, onlardan 2 112-nin (32,4%) istintaq başa çatıb. İttiham aktları 586 nəfərə (2021-ci illə müqayisədə təxminən 60 faiz çox) tərtib edilib.

Qeyd edilən müddətdə Ermənistan Silahlı Qüvvələrində xidmət qaydasının pozulması halları da nəzərə alınıb.

Ümumilikdə, 2022-ci ildə İstintaq Komitəsi tərəfindən baxılan cinayət işlərinin sayı 59 830 və ya 2021-ci illə müqayisədə demək olar, 43% çoxdur. Artım polisin və digər dövlət qurumlarının istintaq funksiyalarının İstintaq Komitəsinə ötürülməsi ilə bağlıdır. Bu baxımdan müstəntiqlərin iş yükü kəskin şəkildə artıb: orta hesabla onların hər birinə ötən il 83 deyil, 111 iş düşüb.

Qeyd edilir ki, il ərzində həbslə bağlı 1 768 vəsatət qaldırılıb, onlardan 1 424-ü təmin edilib. Cinayət işləri çərçivəsində əmlaka dəymiş ziyan təqribən 7,3 milyard dram (18 milyon ABŞ dolları-red) təşkil edib ki, bunun da təxminən 1,7 milyardı bərpa olunub.