İspaniya 2022-ci ildə Rusiyadan neft idxalını 73 faiz azaldıb

21:22 04.02.2023

İspaniyanın Rusiyadan neft idxalı 2022-ci ildə 2021-ci ilə nisbətən 73 faiz azalıb.

NUHÇIXAN İnformasiya Agentliyi xəbər verir ki, bu barədə EFE agentliyi Strateji Neft Məhsulları Ehtiyatları Korporasiyasına (CORES) istinadən məlumat yayıb.

Korporasiyanın məlumatına görə, İspaniyanın bu növ enerji məhsullarının xaricdən ümumi alışı isə 13,2 faiz artıb. 2022-ci ildə İspaniya tərəfindən neft idxalının ümumi həcmi 63,59 milyon ton təşkil edib, əsas tədarükçülər Afrika, Şimali Amerika, Yaxın Şərq, Avropa və digər ölkələr olub.

Mətndə səhv varsa, onu qeyd edib Ctrl+Enter düyməsini basaraq bizə göndərin.