Ermənistanın keçmiş müdafiə naziri barəsində cinayət işi açılıb
Ermənistanın keçmiş müdafiə naziri Vigen Sarkisyan barəsində cinayət işi açılıb.
NUHÇIXAN İnformasiya Agentliyi “Sputnik Armenia”ya istinadən xəbər verir ki, bu barədə ölkənin Baş Prokurorluğundan bildirilib.
Məlumata görə, V.Sarkisyan nazir olduğu dövrdə hərbi qulluqçu olmayan və hərbi qeydiyyatda olmayan 29 nəfərə mənzil verib. Nəticədə dövlətə maddi ziyan dəyib.
Sabiq nazirin həbsi ilə bağlı məhkəməyə vəsatət verilib.
Xatırladaq ki, V. Sarkisyan 2016-2018-ci illərdə müdafiə naziri olub.