Suriyada zəlzələ nəticəsində ölənlərin sayı 8500-ə çatıb
Suriyada zəlzələ nəticəsində ölənlərin sayı 8 min 500-ə çatıb.
NUHÇIXAN İnformasiya Agentliyi xəbər verir ki, bu barədə Ümumdünya Səhiyyə Təşkilatının Şərqi Aralıq dənizi regionunda fövqəladə hallar üzrə direktoru Rik Brennan məlumat verib.
“Hələlik dəqiq rəqəm söyləmək çətindir, çünki say hər gün artmaqdadır və biz dəqiq məlumat gözləyirik. Bizdə olan məlumata əsasən, Suriya hökumətinin nəzarətində olan ərazidə 4 minə yaxın insan həlak olub, 25 min nəfər yaralanıb. Suriyanın şimal-qərbində isə 4500 ölü, 7500 yaralı qeydə alınıb”, - deyə Brennan bildirib.