Rusiya Türkiyə və Suriyada xilasetmə əməliyyatlarını başa çatdırır
Rusiya Fövqəladə Hallar Nazirliyi (FHN) Türkiyə və Suriyada xilasetmə əməliyyatlarını başa çatdırır.
NUHÇIXAN İnformasiya Agentliyi xəbər verir ki, bu barədə fövqəladə hallar naziri Aleksandr Kurenkov məlumat verib. O bildirib ki, Rusiya xilasediciləri Türkiyə və Suriyada axtarış-xilasetmə əməliyyatlarını dayandırırlar. Xilasedicilər qrupunun zəlzələ bölgəsindən çıxarılması barədə qərar qəbul edilib.
Nazirin sözlərinə görə, Rusiya xilasediciləri Türkiyədə 830-dan çox adama yardım göstəriblər.