Qırğızıstanın sabiq prezidenti Almazbek Atambayev azadlığa buraxılıb
Qırğızıstanın sabiq prezidenti Almazbek Atambayev həbsdən azad edilib.
NUHÇIXAN İnformasiya Agentliyi Qırğızıstan mediasına istinadla xəbər verir ki, bu məlumat sabiq prezidentin ailəsi tərəfindən təsdiqlənib.
Məhkəmənin yeni qərarı əsasında azadlığa buraxılan Almazbek Atambayevin hərəkət etməsinə qoyulan məhdudiyyətlər də aradan qaldırılıb.
2011-2017-ci illərdə Qırğızıstana rəhbərlik edən Almazbek Atambayev 2019-cu il avqustun 8-də həbs edilmişdi. Hüquq-mühafizə orqanlarının əməkdaşlarına qarşı zorakılıqda, kütləvi ixtişaşların və qətllərin təşkilində, korrupsiyada və digər cinayətlərdə ittiham olunan sabiq prezident 11 il həbs cəzasına məhkum olunmuşdu.