Polşa “Leopard 2” tanklarının Ukraynaya tədarük tarixini açıqlayıb
Polşa Ukrayna hərbçilərinin təlimi başa çatandan sonra iki-üç həftə ərzində Ukraynaya 14 ədəd “Leopard 2” tankı tədarük edəcək.
NUHÇIXAN İnformasiya Agentliyi CNN telekanalına istinadla xəbər verir ki, bu barədə Polşa Xarici İşlər Nazirliyinin sözçüsü Lukaş Yasina bildirib. O deyib ki, Varşava Ukraynaya döyüş təyyarələrinin də göndərilməsini dəstəkləyir, lakin NATO-nun üzv ölkələri arasında konsensusa gəlmək lazımdır.
Daha əvvəl ABŞ-nin müdafiə naziri Lloyd Ostin bildirib ki, səkkiz ölkə Ukraynaya tank göndərilməsi məsələsində əməkdaşlıq edir. Bu, Almaniya, Polşa, Kanada, Portuqaliya, İspaniya, Norveç, Danimarka və İngiltərədir. Müttəfiqlər “səkkiz döyüş briqadası” üçün zirehli texnika və tankları Ukraynaya təhvil vermək öhdəliyi götürüblər.