Çində çökən kömür mədənindən iki nəfərin meyiti çıxarılıb
Çinin Daxili Monqolustan muxtar rayonunda çökən kömür mədənindən 6 nəfər sağ, 2 nəfər isə ölü olaraq çıxarılıb.
NUHÇIXAN İnformasiya Agentliyinin məlumatına görə, hazırda ərazidə axtarış-xilasetmə işləri davam etdirilir. Bu işlərə 330 nəfər canlı qüvvə, 130-a yaxın texnika cəlb olunub.
Çin Xalq Respublikasının Sədri Si Cinpin axtarış-xilasetmə işlərinin sürətlə aparılması barədə müvafiq qurumlara göstəriş verib.
Qeyd edək ki, bədbəxt hadisə Alşa adlı ərazidə günorta vaxtı baş verib. Hadisə baş verəndə mədəndə 50-dən çox işçi olub.