Blinken Mərkəzi Asiyaya yola düşüb

ABŞ-nin dövlət katibi Entoni Blinken Qazaxıstan, Özbəkistan və Hindistana səfər etmək üçün yola düşüb.

NUHÇIXAN İnformasiya Agentliyinin məlumatına görə, bu barədə Amerika xarici siyasət idarəsinin rəhbəri tviterdə yazıb.

“Bu gün Qazaxıstan, Özbəkistan və Hindistana səfərə çıxıram. Bu mənim dövlət katibi kimi Qazaxıstan və Özbəkistana ilk səfərim olacaq və mən bizim Mərkəzi Asiyadakı tərəfdaşlıq münasibətlərinin gələcək inkişafını səbirsizliklə gözləyirəm. Oradan “G20” XİN başçılarının müşavirəsində iştirak etmək üçün Hindistana yola düşəcəyəm”, - diplomat qeyd edib.

Xatırladaq ki, daha öncə dövlət katibinin fevralın 28-dən martın 3-dək Qazaxıstan, Özbəkistan və Hindistanda səfərdə olacağı bildirilmişdi.