İran hərbçiləri Əfqanıstan şəhərini atəşə tutub

Bazar günü İran sərhədçiləri Əfqanıstanın Nimroz əyalətinin inzibati mərkəzi Zaranc şəhərinə artilleriya hücumu edib, nəticədə bir taliban yaraqlısı ağır yaralanıb, yaşayış binası dağıdılıb.

NUHÇIXAN İnformasiya Agentliyi TASS agentliyinə istinadən verdiyi xəbərə görə, bu barədə Əfqanıstanın “Haşt-e Subh” qəzeti Zarancdakı mənbələrə istinadən məlumat yayıb.

Nəşrin məlumatına görə, İranla həmsərhəd olan bu əyalətdə Taliban təhlükəsizlik qüvvələrinin qərargahı da atəşə tutulub.

Qəzet qeyd edir ki, münaqişə artıq başa çatıb. Onun səbəbi məlum deyil.