ABŞ-da təyyarə qəzasında həlak olanların sayı 4-ə çatıb

ABŞ-ın Florida ştatının səmasında iki yüngül motorlu təyyarənin toqquşması nəticəsində həlak olanların sayı 4-ə çatıb.

NUHÇIXAN İnformasiya Agentliyi TASS-a istinadla xəbər verir ki, çərşənbə axşamı baş verən hadisə nəticəsində həyatını itirənlərdən üçünün şəxsiyyəti müəyyən olunub.

Qəza ərazidə yerləşən gölün üzərində baş verib, hazırda təyyarənin qalıqları sudadır, lakin ölənlərin cəsədləri çıxarılıb. Həlak olanlardan birinin şəxsiyyəti hələlik müəyyənləşməyib.

Qeyd edək ki, daha əvvəl iki nəfərin həlak olduğu bildirilmişdi.