Polşa Ukraynaya daha 10 “Leopard 2” tankı göndərib
Polşa Ukraynaya daha 10 “Leopard 2” tankı göndərib. Bundan əvvəl Varşava Kiyevə dörd belə tank vermişdi.
NUHÇIXAN İnformasiya Agentliyi xəbər verir ki, bunu Polşanın müdafiə naziri Mariuş Blaşak deyib.
“Biz Ukraynaya daha on “Leopard 2A4” tankını təhvil vermişik”, - deyə Blaşak bildirib.
Qeyd edək ki, Polşa müasir “Leopard 2” tanklarını Ukraynaya təhvil verən tərəfdaş dövlətlər arasında ilk ölkədir. Varşava ilk dörd döyüş maşınını genişmiqyaslı müharibənin ildönümündə göndərmişdi.