Qazaxıstanda Müəllimlər Gününün vaxtı dəyişdirilib
Qazaxıstanda pedaqoqların peşə bayramı - Müəllimlər Günü oktyabrın 5-də qeyd olunacaq.
NUHÇIXAN İnformasiya Agentliyi Kazinform agentliyinə istinadla xəbər verir ki, müvafiq qərar Qazaxıstan hökuməti tərəfindən qəbul edilib.
İndiyə qədər respublikada oktyabrın ilk bazar günü qeyd olunan Müəllimlər Günü bundan sonra dünyanın 100-dən çox ölkəsinin oktyabrın 5-də qeyd etdiyi Beynəlxalq Müəllimlər Günü ilə sinxronlaşdırılıb.
Qazaxıstan Təhsil Nazirliyinin məlumatına görə, hazırda ölkənin məktəbəqədər, orta, texniki və peşə təhsili müəssisələrində 556 min müəllim çalışır.