Ukrayna Quru Qoşunlarının komandanı Baxmutdakı son vəziyyəti açıqlayıb
Martın 13-ü səhər saatlarına olan məlumata görə, Baxmutda vəziyyət ağır olaraq qalır. "Vaqner" muzdluları müdafiəni yarıb şəhərin mərkəzinə girməyə çalışırlar.
NUHÇIXAN İnformasiya Agentliyi xəbər verir ki, bu barədə bəyanatla Ukrayna Quru Qoşunlarının komandanı, general-polkovnik Oleksandr Sırskiy çıxış edib.
“Vaqner” hücum dəstələri bir neçə istiqamətdən irəliləyir, qoşunlarımızın müdafiəsini yarıb şəhərin mərkəzi rayonlarına doğru irəliləməyə çalışır”, - deyə o bildirib.
Sırskiy deyib ki, Baxmut artilleriya, tank və digər silahlardan atəşə tutulur. Ukrayna hərbçiləri şəhərin müdafiəsini davam etdirir və eyni zamanda, düşməni xeyli itkiyə uğradırlar.