Türkiyədə sel nəticəsində ölənlərin sayı 17-yə çatıb
Türkiyənin Adıyaman və Şanlıurfa şəhərlərində baş verən sel nəticəsində ölənlərin sayı 17-yə çatıb.
NUHÇIXAN İnformasiya Agentliyi xəbər verir ki, bunu ölkənin milli müdafiə naziri, ordu generalı Hulusi Akar Şanlıurfada jurnalistlərə açıqlamasında deyib.
O bildirib ki, 3 nəfər itkin düşüb.
Nazirin sözlərinə görə, Türkiyə Silahlı Qüvvələrinin selin fəsadlarının aradan qaldırılması istiqamətində mübarizəsi davam edir: “Pessimizmə ehtiyac yoxdur, yaralar sağalacaq”.
Qeyd edək ki, martın 14-də Adıyaman və Şanlıurfa şəhərlərində sel olub.