AEBA-nın Baş direktoru: "Zaporojye AES-də vəziyyət getdikcə pisləşir”
“Zaporojye Atom Elektrik Stansiyasında (AES) vəziyyət getdikcə pisləşir”.
NUHÇIXAN İnformasiya Agentliyi TASS-a istinadən xəbər verir ki, bunu Atom Enerjisi üzrə Beynəlxalq Agentliyin (AEBA) Baş direktoru Rafael Qrossi martın 29-da stansiyadakı vəziyyətlə tanış olduqdan sonra keçirdiyi mətbuat konfransında deyib.
O, ərazidə hərbi əməliyyatların gücləndiyini bildirib: “Vəziyyət yaxşılaşmır, əksinə, hərbi əməliyyatlar intensivləşir”.
R.Qrossi həmçinin bildirib ki, Zaporojye AES-i hər cür hücumdan qorumaq üçün bütün mümkün tədbirlər görülməlidir.
O, bu AES-in Avropanın ən böyük atom elektrik stansiyası olduğunu xatırladıb.