ABŞ-də təlim zamanı iki hərbi helikopter toqquşub
ABŞ Silahlı Qüvvələrinin iki helikopteri təlim zamanı səmada toqquşub.
NUHÇIXAN İnformasiya Agentliyi bu barədə "BNO News Live" saytına istinadən xəbər verir.
Bildirilir ki, dünən yerli vaxtla saat 22:00 radələrində (Bakı vaxtı ilə 30 mart saat 06:00) Kentukki ştatında Fort-Kempbell hərbi bazasında 101-ci hava-desant diviziyasının iki helikopteri qəzaya uğrayıb. İnsident adi təlim missiyası zamanı baş verib. Ekipaj üzvləri iki “HH60 Black Hawk” helikopterində olublar.
Helikopterlərdə olan şəxsi heyətdən azı 9 nəfər həlak olub. Hadisə ilə bağlı araşdırma aparılır.