Türkiyə, Rusiya və İran XİN nümayəndə heyətləri arasında görüş başlayıb
Moskvada xarici işlər nazirlərinin görüşünə hazırlıq çərçivəsində Rusiya, Türkiyə və İran xarici işlər nazirliklərinin (XİN) nümayəndə heyətləri arasında görüş başlayıb.
Bu barədə NUHÇIXAN İnformasiya Agentliyi Rusiya mətbuatına istinadən xəbər verir.
Xatırladaq ki, ötən gün Türkiyənin xarici işlər naziri Mövlud Çavuşoğlu aprelin 3-4-də Moskvada Rusiya, İran, Türkiyə və Suriya xarici işlər nazirlərinin müavinləri arasında danışıqların planlaşdırıldığını təsdiqləmişdi.