İranda məişət texnikası zavodunda yanğın baş verib
Bu gün İranın Məşhəd şəhərindəki ElectroSteel məişət texnikası zavodunun üç anbarında güclü yanğın baş verib.
NUHÇIXAN İnformasiya Agentliyi xəbər verir ki, İran mediasının yaydığı məlumatlara görə, yanğının söndürülməsinə 100-ə yaxın yanğınsöndürmə briqadası cəlb olunub. Hazırda zavodu bürüyən tüstü hadisənin miqyası barədə təsəvvür yaradır. Yanğınsöndürmə işləri davam edir.
Zərərçəkənlər və yanğının səbəbləri barədə hələlik məlumat verilmir.