Polşa Ukrayna taxılı olan bütün tranzit yükləri möhürləyəcək
Polşa tərəfi Ukraynadan gələn taxıl və digər kənd təsərrüfatı məhsulları ilə ölkə ərazisindən tranzit keçən bütün malları möhürləyəcək və müşayiət edəcək.
NUHÇIXAN İnformasiya Agentliyi xəbər verir ki, bunu Polşanın kənd təsərrüfatı və ərzaq naziri Robert Telyus bildirib.
“Belə mexanizmlər hazırlamaq mümkün idi ki, Ukraynadan gələn taxıl Polşada qalmayacaq, mallar ölkədən tranzitlə daşınacaq”, - deyə nazir vurğulayıb.
Telyus onu da qeyd edib ki, belə yüklər müşayiət altında Polşa ərazisindən keçəcək.