Ukraynada son sutkada İran istehsalı 21 ədəd “Şahid” zərərsizləşdirilib
Ötən sutka ərzində Rusiya ordusu 26 ədəd “Şahid” dronundan istifadə edib. Onlardan 21-i məhv edilib.
NUHÇIXAN İnformasiya Agentliyi xəbər verir ki, bu barədə Ukrayna Silahlı Qüvvələrinin gündəlik xülasəsində qeyd olunub.
Bildirilib ki, quruda Ukrayna hərbçiləri qarşı tərəfin 55-dən çox hücumunu dəf edib.
Qeyd olunub ki, Baxmut istiqamətində Baxmut və Xromovo uğrunda ağır döyüşlər davam edir.
Avdeyevka istiqamətində Rusiya tərəfindən Avdeevka, Vodyanı və Pervomayski ərazilərinə irəliləmək cəhdləri olub.
Maryinka istiqamətində Maryinka və Pobeda ərazilərinə çoxsaylı hücumlar edilib.
Şaxtyorsk istiqamətində Uqledara tərəf həmlələr gerçəkləşdirilib.