Ukrayna hərbçiləri yaxın zamanda “Abrams” tanklarının təlimlərinə başlayacaq
Ukrayna hərbçiləri yaxın zamanda “Abrams” tanklarının təlimlərinə başlayacaq.
NUHÇIXAN İnformasiya Agentliyi xəbər verir ki, bu barədə “Politico” öz mənbələrinə istinadən yazıb.
Nəşrin məlumatına əsasən, Almaniyadakı təlim poliqonlarından birinə yaxın həftələrdə 31 ədəd tank gətiriləcək və sonra ukraynalı hərbçilər onların üzərində təlimə başlayacaqlar.
Həmçinin qeyd olunub ki, tanklar göndərilməzdən əvvəl texniki baxışdan keçməlidir.
O da əlavə olunub ki, Ukrayna hərbçilərinin Almaniyada təlim keçəcəyi tanklar, sonradan döyüşlərdə istifadə edilmək üçün Ukraynaya göndəriləcək tanklardan fərqlidir.