Braziliyalı təyyarə istehsalçısı NATO standartlarına uyğun hərbi təyyarələr istehsal edəcək
Braziliyanın təyyarə istehsalçısı “Embraer” Portuqaliyanın aerokosmik şirkəti OGMA ilə birgə NATO tələblərinə cavab verən təyyarələr istehsal edəcək.
NUHÇIXAN İnformasiya Agentliyi xəbər verir ki, bu barədə “Reuters” məlumat yayıb.
Braziliyanın “Embraer SA” təyyarə şirkəti “Super Tucano” adlı yüngül hücum təyyarəsi də daxil olmaqla bir neçə növ təyyarə istehsal edir. Keçən həftə təyyarə istehsalçısı NATO konfiqurasiyasında “A-29 Super Tucano”nu buraxıb.
“Şirkətin təyyarələrinin NATO-da sertifikatlaşdırılması Avropa və digər bazarlara qapı aça bilər”, - Braziliyanın müdafiə naziri Xose Musio bildirib.
“Embraer” Portuqaliyanın OGMA şirkətinin kapitalının 65 %-nə sahibdir. Musio vurğulayıb ki, Portuqaliyada təyyarə istehsalı vacibdir, çünki o, artıq NATO-nun ilkin tələblərinə cavab verir.