Sudanda toqquşmalarda ölənlərin sayı 460-a çatıb
Sudanda ordu ilə Xüsusi Təyinatlı Qüvvələr arasında toqquşmalar nəticəsində həlak olanların sayı xeyli artıb.
NUHÇIXAN İnformasiya Agentliyi xəbər verir ki, Sudan Səhiyyə Nazirliyinin məlumatına görə, aprelin 15-də başlayan və 11 ştatda baş verən qarşıdurmalarda indiyədək 460 nəfər həyatını itirib, 4063 nəfər yaralanıb.
Açıqlamada bütün ştatlarda münaqişələrin yaralanma, ölüm və digər təsirlərini izləmək üçün araşdırmaların aparıldığı, son iki gündə yaralanan və ölənlərin sayının azaldığı bildirilir.