Ukrayna Silahlı Qüvvələri Baxmutun 20 kvadrat kilometrini azad edib
Ukrayna Silahlı Qüvvələri Rusiyanın işğalı altındakı Donetsk vilayətinin Baxmut şəhərinin 20 kvadrat kilometrini azad edib.
NUHÇIXAN İnformasiya Agentliyi Ukrayna KİV-inə istinadən xəbər verir ki, bu barədə ölkənin müdafiə nazirinin müavini Anna Malyar deyib.
Onun sözlərinə görə, Rusiya ordusu şəhərin daxilində irəliləməyə davam edir: “Şəhər toplarla yerlə-yeksan edilir”.
Qeyd edək ki, Ukrayna Silahlı Qüvvələrinin daha əvvəl Baxmutda əks-hücum əməliyyatına başladığı bildirilmişdi.
Xatırladaq ki, 8 aydan çoxdur Baxmut şəhərində gərgin döyüşlər gedir.