Ukrayna ilin sonuna kimi daha iki “IRIS-T” HHM sistemi alacaq
“Növbəti il yarım ərzində “IRIS-T” hava hücumundan müdafiə sistemlərinin sayı üç dəfə artacaq. Onların ümumi sayı 10 vahidi keçəcək”.
NUHÇIXAN İnformasiya Agentliyinin məlumatına görə, bunu Ukrayna xarici işlər nazirinin müavini Andrey Melnik deyib.
“Bu gün Ukraynada 2 sistemimiz var, ötən il bizə vəd edilən 2 sistem bu ilin sonuna qədər təhvil veriləcək. Yəni 4 sistemimiz olacaq.
Baxın, ruslar bizim sistemimizi pilotsuz təyyarələrlə tükətməyə çalışırlar ki, qiymətli raketlərdən istifadə edək. Ona görə də düşünürəm ki, tezliklə təkcə Kiyev deyil, Ukraynanın digər irili-xırdalı şəhərləri də qorunacaq”, - Melnik bildirib.