İranda naməlum şəxs polislərə atəş açıb, ölən var

İranın cənub-qərbində, Xuzistan əyalətində yerləşən İze şəhərində naməlum şəxs polis əməkdaşlarına atəş açıb.

NUHÇIXAN xəbər verir ki, bu barədə "Gənc Jurnalistlər Klubu" agentliyi məlumat yayıb.

Məlumata görə, naməlum şəxs minik avtomobilindən hüquq-mühafizə orqanlarının əməkdaşlarına atəş açıb. Hadisənin motivləri və hazırda harada olması barədə məlumat verilmir.

Hadisə zamanı polis əməkdaşlarından biri ağır güllə yaraları alıb, o, xəstəxanada ölüb.