Ermənistanda yol qəzası olub, 2 hərbçi ölüb
Ermənistanda Yuxarı Gədikli (Vardabank) - Qafan yolunda baş verən yol-nəqliyyat hadisəsi nəticəsində iki hərbçi ölüb.
NUHÇIXAN xəbər verir ki, bu barədə Ermənistan İstintaq Komitəsi bildirib.
Məlumata görə, “Ford Tranzit” markalı avtomobilin 39 yaşlı sürücüsü Yuxarı Gədikli-Qafan yolunun 5-ci km-liyində yol hərəkəti qaydalarını pozaraq qarşıdan gələn avtomobillə toqquşub. Nəticədə “Ford Tranzit”in sürücüsü və sərnişini ölüb.
Onların hər ikisi Ermənistan silahlı qüvvələrində müqavilə əsasında xidmət edirmiş.
Hadisə ilə bağlı cinayət işi başlanılıb.