Kaxovka SES-in partladılması nəticəsində ölənlərin sayı artıb
Ukraynanın Kaxovka Su Elektrik Stansiyasının (SES) partladılması nəticəsində 16 nəfərin öldüyü, 31 nəfərin itkin düşdüyü bildirilir.
NUHÇIXAN xəbər verir ki, bu barədə Ukraynanın Daxili İşlər Nazirliyi məlumat yayıb.
"16 nəfər: 14 nəfər Xerson vilayətində, 2 nəfər Nikolaev vilayətində ölüb. 31 nəfər itkin düşmüş hesab olunur", - nazirlikdən bildirilib.
İyunun 17-nə olan məlumata görə, 1 300 ev su altında qalıb. Bunlardan 1 274-ü Xerson ərazisində, 26-sı Nikolayev vilayətlərindədir.
Bu ərazilərdən ümumilikdə 3 614 nəfər təxliyə edilib ki, onlardan 474 nəfəri uşaqdır.
Rusiya hərbçiləri Kaxovka SES-i iyunun 6-na keçən gecə partladıblar. Nəticədə yaşayış məntəqələrini su basıb, təbiətə xeyli ziyan dəyib.